المنتدى الرسمى لعمرو دياب
عزيزي الزائر نتمنى دخولك والتسجيل في شبكة الرواد السورية على الرابط التالي http://ajajweb.yoo7.com/ نحن بانتظار تشريفكم


منتديات عمرو دياب
 
الرئيسيةاليوميةمكتبة الصورس .و .جالأعضاءالمجموعاتالتسجيلدخول

شاطر | 
 

 وحشتنى اوى يا بابا( الله يرحمك)

اذهب الى الأسفل 
كاتب الموضوعرسالة
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: وحشتنى اوى يا بابا( الله يرحمك)   السبت أكتوبر 18, 2008 5:51 am

اولا: انا مش بكتب المشكله دي
عشان قصدي اعترض على قضاء وقدر ربنا
بالعكس انا بقول الحمدلله على كل حاجه
تاتيا: احكيلكم بقي المشكله وياريت تساعدونى...

انا من يوم ما اتولدت ولقيت اب حنون وطيب جدا
دايما كان بيدلعنى وبيجبلى كل اللى انا عايزاه
قبل لما اقول انا عايزه حاجه يكون جبهالى
كنت بحبه جدااااااا والله
كنت دايما بحب اقعد اتكلم معاه
واحضنه اوى
وابوس ايديه
وكان مهما بيزعقلي مش بزعل
بكون عارفه انه بيزعقلي عشان بيحبنى اوى
وبيخاف عليا
وكان دايما عايزنى اكون احسن واحده في الكون كله
كان بجد اعظم اب في الدنيا كلها
كان بالنسبه ليا ابويا وصحبي واخويا وكل حاجه حلوه في الدنيا
وفي يوم بنت خالتى كانت عند جدتى في طنطا
واتصلت بيا عشان اسافر اقعد معاها عند جدتى
وانا اتحمست جدا للفكره دي
وروحت قولت لبابا
قالى لا خليها بعدين
قولتله يابابا انا عايزه اسافر
وكان معارض جدا ومقاليش اى سبب
وللاسف انا صممت على رايي
وطبعا كالعاده محبش بابا يزعلنى ووافق انى اسافر
وكان تانى يوم اللى هسافر فيه ده
كان بابا هيروح المستشفي عشان يعمل غسيل كلوى
هو صحي من بدري وقال لماما توصلنى الاول لمحطه الباص اللى هسافر بيه
وبعدين تجيله على المستشفي
وفعلا ركبت الاتوبيس وكنت فرحانه جدا
واول لما وصلت حسيت ان في حاجه غريبه في بيت جدتى
جدتى كانت بتلبس وعايزه تنزل بسرعه
وبنت خالتى سلمت عليه وحضنتنى اوى
وحسيت ان عنيها فيها دموع
وكل شويه اقولها مالك يا آيه
تقولى مفيش عادي
وخلاص جدتى نزلت
وكانت لابسه اسود
وحسيت ان بنت خالتى مخبيه حاجه عنى
وخايفه عنيها تيجى في عينى واشوف الدموع اللى محبوسه جوا عنيها
وبعدين آيه بنت خالتى دخلت الاوضه
دخلت واها بسرعه
قولتلها في ايه؟؟؟
انتى بجد مش طبيعيه
لازم تقوليلي حالا
قالتلى عمو سامى
قولتلها بابا!!!!!!
بابا ماله يا آيه
حسيت ان قلبي خلاص وقف
قالتلى عمو سامى تعبان شويه
قولتلها بابا ماله
قعدت تعيط وقالتلى تعبان بس
مسكت موبيلى وقعدت اتصل بموبيل ماما ومحدش بيرد
واتصلت على موبيل اختى اللى اصغر منى ومحدش بيرد برضوا
اتصلت على موبيل جوز اختى لاقيته قافل موبيله
خلاص كنت ساعتها بدأت انهار ومش عارفه افكر ولا اعمل اى حاجه
كل اللى بعمله انى بعيط من جوا قلبي وعامله اسال كل اللى حواليه
بابا ماله؟؟؟!!!!!!! بابا جراله حاجه؟؟؟!!!!!!
طيب بابا تعبان !!!!!!!!!
جاتله الازمه ؟؟؟
حد يرد عليا
انتوا اتخرستوا كده ليه
اتصلت على موبيل اختى الكبيره
رد عليه ابن عمتى
قولتله ايه يا ايمن بابا ماله
برضوا قالى تعبان شويه
وبعدين قولتله طيب ادينى سالى(اختى الكبيره)
قالى سالى اصلا بعيده
وقولتله ايمن بجد في ايه بابا فين يا ايمن؟!!!!!
قفل الخط وقفل الموبيل خالص
ساعتها بس
ادركت الحقيقه
بابا مات
!!!!!!!!!!!!!!!!!!!
تخيلوا لما يكون حد بتعشقه وخلاص مش هتشوفه تانى
وده مش اى حد
ده ابويا وكل حياتى
اقعد اصرخ
وقولهم انتوا كدابين
انتوا بتضحكوا عليه
بابا حبيبى انا لسه شايفاه امبارح قبل لما انام
ولسه بايساه
انتوا كدابين

ونزلت وانا منهاره
مش عارفه رايحه فين ولا عارفه اى حاجه
بس نزلت ورايا بنت خالتى
ورجعنا القاهره
وكانت الصدمه التانيه
دخلت العماره
لقيت صوت قرآن فعلا
ولقيت ناس لابسه اسود
وناس بتعيط
وناس بتبوسنى وتقولى البقاء لله
وانا ثابته في مكانى مش فاهمه ايه اللى بيحصل
هو كل ده انا بحلم !!!!!!
ولما عرفت انى مش بحلم
وان بابا خلاص مات
وخلاص اتدفن كمان
قبل ما اسلم عليه
واقوله انى بحبه اوى وانى مش هقدر اعيش من غيره
لما عرفت كده جريت على الاوضه وقفلت الباب
وبكيت بكاء اول مره ابكيه
خلاص قلبي مات
ومش هشوفه تانى
ولا هيخدنى في حضنه
وتخيلوا اول مره بدخل البيت ومش لاقيه بابا فيه
وايام وايام بتعدي
ولسه بدور على بابا
وبروح ادور في الاوضه بتاعته يمكن يكون نايم على السرير
او يمكن يكون مستنينى في البلكونه وانا راجعه من الجامعه
لا اكيد بابا هيجى
يمكن يكون مسافر
لا لا
خلاص بابا مش جاى تانى!!!!!!!!!!
بـــــــــــــــابـــــــــــــــا
خلاص بابا مات
عدت ايام كتير اوى
مرت اكتر من سنه ونص
ولسه مش قادره انسي الانسان الحنون الطيب اللى كان كل حياتى
مش عارفه اعمل ايه والله
مبقتش بعرف انام
ولا عارفه اعمل اى حاجه في حياتى
كل لما افرح اقول فينك يا بابا تفرح معايا
ولما احزن اقول فينك يا بابا ابكى في حضنك
حد يقولى اعمل ايه؟؟
والله مش عارف اوصل اللى جوايا
والله جوايا ناااااااااار
ومش عارفه انام
ولازم عشان انام اقعد لوحدي حوالى ساعتين على الاقل اعيط
حد يقولى اعمل ايه؟!!!

ياريت يا جماعه تدعوله بالرحمه والمغفره
وتدعولى ربنا يصبرنى

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مايا الفقى
مشرفة
مشرفة
avatar

انثى
عدد الرسائل : 176
العمر : 28
الدولة او المدينة : القاهرة
ماذا تعمل؟ : طالبة
ماهي هواياتك؟ : القراءة والموسيقي
تاريخ التسجيل : 25/08/2008

مُساهمةموضوع: رد: وحشتنى اوى يا بابا( الله يرحمك)   الجمعة أكتوبر 24, 2008 6:14 pm

اولا الله يرحم انكل سامي ويدخله احسن درجات الجنة
ثانيا ربنا يصبرك يا حبيبيتي ومتديقيش ابدا ولا تحزني ساعات الموت بيكون افضل للناس اللي احنا بنحبها مش ممكن هما يحبولنا الراحة واحنا نتمني ان هما يعيشو في الم عشان بس يبقو قدام عنينا ساعتها هانكون انانين اهم شيء ان احنا ندعيله بلرحمة والمغفرة واي وقت تشعري فيه انك مدايقة كلميني ع طول انتي عارفة طريقي عمري ما هتخلي عنك ابد........[/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الجمعة أكتوبر 24, 2008 6:55 pm

ميرسي يا مايا
طبعا انتى صديقتى وحبيبتى واقرب صديقه ليا
ربنا يخليكى يا قمر ليا
وربنا يرحم الاموات المسلمين جميعا
ويارب صبرنى

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noura
مشرف عام
avatar

انثى
عدد الرسائل : 932
العمر : 33
الدولة او المدينة : ليبيا-طرابلس
ماذا تعمل؟ : مهندسة معمارية وديكور
ماهي هواياتك؟ : سياحةومتابعة كل جديد
تاريخ التسجيل : 01/07/2008

مُساهمةموضوع: رد: وحشتنى اوى يا بابا( الله يرحمك)   السبت أكتوبر 25, 2008 10:22 am

قبل كل شئ الله يرحموااااا ويحسن اليه ياغالية

الموووت سنة الله ومكتوب على اي انسان.... والله انا عنجد ثأثرث كثير وووين قريت قصتك بس
ربي يصبر كل انسان فقد عزيز على قلبه ويصبرك انتي كمان

انا بصراحة رغم كلامي اناااااااااا مابحب تصير اقدامي جنازة او عياط بحس جسمي يرتعش

كله وبفتكر الناس قداش مصدومين ومتألمين

_________________
ومامن كاتب إلا سيفنى ...

ويبقي الدهر ماكتبت يداه ...

فلا تكتب بيديك غير شيء ...

يسرك في الآخرة أن تراه ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   السبت أكتوبر 25, 2008 7:04 pm

ميرسي يا نوره على مشاعرك دي
وميرسي جدا على الرد
وربنا يبعد عنك الموقف ده

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noura
مشرف عام
avatar

انثى
عدد الرسائل : 932
العمر : 33
الدولة او المدينة : ليبيا-طرابلس
ماذا تعمل؟ : مهندسة معمارية وديكور
ماهي هواياتك؟ : سياحةومتابعة كل جديد
تاريخ التسجيل : 01/07/2008

مُساهمةموضوع: رد: وحشتنى اوى يا بابا( الله يرحمك)   الأحد أكتوبر 26, 2008 10:38 am

انشاء الله يارب

انشاء الله انا اموووووووووووت قبل ما اسمع حداااااااااااا عزيز عليا فقده من الدنيا

_________________
ومامن كاتب إلا سيفنى ...

ويبقي الدهر ماكتبت يداه ...

فلا تكتب بيديك غير شيء ...

يسرك في الآخرة أن تراه ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الأحد أكتوبر 26, 2008 11:15 am

بعد الشر عنك يا نوره
ربنا يطول عمرك في رعايته وحفظه يااااااااااارب

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jana passem
المديرة
المديرة
avatar

انثى
عدد الرسائل : 5145
العمر : 29
الدولة او المدينة : مصر
ماذا تعمل؟ : طالبة
ماهي هواياتك؟ : الرسم
Personalized field : 0
رقم العضوية : 2
تاريخ التسجيل : 30/04/2008

مُساهمةموضوع: رد: وحشتنى اوى يا بابا( الله يرحمك)   الأربعاء أكتوبر 29, 2008 8:48 am

الله يرحمه يا رب
انا اعرف باباكى لانى كلمته مره وكان واضح عليه انه طيب جدا
بس زى ماقالت نهى ان ساعات الموت يبقى افضل
لان فعلا باباكى كان تعبان جدا وكدة هو ارتاح
بس هيرتاح اكتر لما تعملى بوصيته ويارب تكونى بدأتى فيها

_________________
مش عايزة غيرك انت... والله بحبك انت
والحب كله انت ...وانت النااااااااااس كلها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الخميس أكتوبر 30, 2008 9:06 am

ميرسي جانا

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سعد عجاج
مشرف عام
avatar

ذكر
عدد الرسائل : 1488
العمر : 29
الدولة او المدينة : الوطن الحبيب
ماذا تعمل؟ : طالب
ماهي هواياتك؟ : السباحة والنت
تاريخ التسجيل : 02/10/2008

مُساهمةموضوع: رد: وحشتنى اوى يا بابا( الله يرحمك)   الأحد نوفمبر 02, 2008 12:03 pm

الله يرحمو ويحسن اليه ويدخله فسيح جنانه يا رب العالمين
سمر انت لو بتحبي ابوك بجد ضلي ادعيلو على طول
وكمان اذا بتحبيه ضلي زوري قبرو عشان يرتاح لما تزوريه واقرأيلو القران
الله يرحمو ويرحم جميع موتانا وموتى المسلمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الأحد نوفمبر 02, 2008 8:18 pm

ميرسي جدا سعد
والله انا بدعيله دايما
الله يرحمه ويغفرله يااااارب
انا اصلا مش بعرف انام لحد دلوقتى بسبب الموضوع ده
ربنا يرحمه ويرحم جميع الاموات المسلمين

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايناس
عضو نشيط
عضو نشيط
avatar

انثى
عدد الرسائل : 114
العمر : 21
الدولة او المدينة : القاهرة
ماذا تعمل؟ : طالبة
ماهي هواياتك؟ : الرسم والشعر
تاريخ التسجيل : 21/11/2008

مُساهمةموضوع: رد: وحشتنى اوى يا بابا( الله يرحمك)   الثلاثاء ديسمبر 02, 2008 5:47 pm

فى البدايةوقبل ماى اقول اى حاجة هقول اللة يرحمة
ولنل عايزة اقول لك متزعليش لان دة قضاء ربنا سبحانة وتعالى وربنا ما ابكاكى الا ليضحكك وما اشقاكى الا لراحتك وانتى فعلا لو بتحبية وعايزة تسعدية ادعيلة بالرحمة
الله يرحمه

_________________
مستحيل ان يوجد ورد بلا اشواك
فهذة هى الحياة لكى تصل للنعيم يجب ان تخسر شى فلا يمكن ان تحصل على كل شى



ايناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النجم الساهر
مشرف
مشرف
avatar

ذكر
عدد الرسائل : 2029
العمر : 28
الدولة او المدينة : ........
ماذا تعمل؟ : .........
ماهي هواياتك؟ : .........................................
تاريخ التسجيل : 23/05/2008

مُساهمةموضوع: رد: وحشتنى اوى يا بابا( الله يرحمك)   الثلاثاء ديسمبر 02, 2008 10:37 pm

(الله يرحمة ويدخله الجنة)
البقية في حياتك يا سمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الثلاثاء ديسمبر 09, 2008 2:17 pm

ميرسي يا ايناس يا قطعه انانس
ههههه
ميرسي يا عموره
وربنا يرحم اموات المسلمين جميعا

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ranem
مشرفة
مشرفة
avatar

انثى
عدد الرسائل : 204
العمر : 28
الدولة او المدينة : القاهرة
ماذا تعمل؟ : طالبة
ماهي هواياتك؟ : القراءة وكتابة القصص
تاريخ التسجيل : 20/11/2008

مُساهمةموضوع: رد: وحشتنى اوى يا بابا( الله يرحمك)   الأربعاء يناير 14, 2009 1:37 am

ربنا يرحم عمو يا سمر و يدخله فسيح جناته يا رب

اقرائ قراءن له عندما تذهبى اليه و ادعى له فى كل صلاة بالرحمة و المغفرة
فمن اعمال المسلم التى لا تنقطع عنه بعد موته " ولد صالح يدعو له "
و انا اعرف انك بنت صالحة وبارة بوالدها رحمة الله عليه
و تاكدى ان الموت رحمة للانسان الصالح ووالدك كما تقولين انه كان اب صالح
فتأكدى ان الله رحمة من التعب فى الدنيا حتى يريحة فى الاخرة
فعندما تتذكرى والدك قولى " الله يرحمك و يدخلك فسيح جناته ان شاء الله "
فالموت حق على كل مسلم و مسلمة ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الخميس يناير 22, 2009 5:44 pm

شكرا رنيم
ربنا يخليكى
الله يرحمه
ويرحم جميع المسلمين

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النجم الساهر
مشرف
مشرف
avatar

ذكر
عدد الرسائل : 2029
العمر : 28
الدولة او المدينة : ........
ماذا تعمل؟ : .........
ماهي هواياتك؟ : .........................................
تاريخ التسجيل : 23/05/2008

مُساهمةموضوع: رد: وحشتنى اوى يا بابا( الله يرحمك)   الخميس يناير 22, 2009 10:16 pm

لا زلت أقرأ موضوعك

(الله يرحمه ويدخله الجنة)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   الأحد مارس 01, 2009 10:13 pm

ميرسي عمرو على اهتمامك
الله يرحمه ويرحم جميع الاموات المسلمين

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ta3baaan
عضو مشارك


ذكر
عدد الرسائل : 39
العمر : 38
الدولة او المدينة : entire world
ماذا تعمل؟ : nothing
ماهي هواياتك؟ : thinking
تاريخ التسجيل : 17/03/2009

مُساهمةموضوع: رد: وحشتنى اوى يا بابا( الله يرحمك)   الثلاثاء مارس 17, 2009 4:52 am

سلام

بداية كلامي , رحمة الله عليه وعلى اموات المسلمين جميعا

كلامك ووصفك فكرني بقصدية لامير الشعراء برثاء والده
مع العلم ان والده توفى ولم يرثه باي قصيدة الا بعد حين
قصيدة قال فيها :
سألوني لِمَ لمْ أرثِ أبي ؟ ... ورثاءُ الأب دَين أيّ دين
أيّها اللوّام ما أظلمكم ! ... أين لي العقلُ الذي يسعدُ أين ؟
يا أبي، ما أنت في ذا أوّلٌ ... كل نفسٍ للمنايا فرضُ عين
هلكت قبلك ناسٌ وقرى ... ونعى الناعون خير الثقلين
غايةُ المرء وإن طال المدى ... آخذٌ يأخذه بالأصغرين
وطبيبٌ يتولّى عاجزا ... نافضا ممن طبّه خفي حنين
إن للموت يدا إن ضريت ... أوشكت تصدعُ شمل الفرقدين
تنفذ الجوّ على عقبانه ... وتلاقي الليث بين الجبلين
وتحطّ الفرخَ من أيكته ... وتنال الببغا في المئتين
....... ...... ........

أنا من مات ومن مات أنا .... لقى الموتَ كلانا مرّتين
نحن كنا مهجةً في بدنٍ ... ثم صرنا مهجة في بدنين
ثم عدنا مهجةً في بدنٍ ... ثم نُلقَى جثةً في كفنين
ثم نحيا في ( عليّ) بعدنا ... وبه نُبعَثُ أولى البعثتين
أنظر الكون وقل في وصفه ... كل هذا أصله من أبوين
فإذا ما قيل : ما أصلهما ؟ ... قل : هما الرحمة في مرحمتين
فقدا الجنة في إيجادنا ... ونعمنا منهما في جنتين
وهما العذر إذا ما أُغضِبا ... وهما الصفح لنا مُستَرضَيَن
ليت شعري أيّ حيّ لم يدن ... بالذي دانا به مبتدِئين ؟
وقف الله بنا حيث هما ... وأمات الرسلَ إلا الوالدين
........ ....... ...... .....

ما أبي إلا أخٌ فارقته .... ودّه الصدقُ، وودّ الناس مين
طالما قمنا إلى مائدةٍ .... كانت الكسرةُ فيها كسرتين
وشربنا من إناءٍ واحدٍ .... وغسلنا بعد ذا فيه اليدين
وتمشّينا يدي في يده ... من رآنا قال عنا : أخوين
نظر الدهرُ إلينا نظرةً ... سوّت الشرّ فكانت نظرتين
يا أبي والموتُ كأسٌ مرّةٌ ... لا تذوق النفسُ منها مرّتين
كيف كانت ساعةٌ قضّيتها ... كلُّ شيءٍ قبلها أو بعد هين
أشربتَ الموتَ فيها جرعةً ... أم شربت الموتَ فيها جرعتين ؟
لا تخف بعدك حزنا أو بكا ... جمدت مني ومنك اليوم عين
أنت قد علّمتني ترك الأسى ... كلُّ زينٍ منتهاه الموت شين
ليت شعري : هل لنا أن نلتقي ... مرّةً، أم ذا افتراق الملوين ؟
وإذا متُّ وأودعتُ الثرى ... أنلقّى حفرةً أو حفرتين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moon light
مشرفة
مشرفة
avatar

انثى
عدد الرسائل : 1858
العمر : 28
ماذا تعمل؟ : طالبه
ماهي هواياتك؟ : الانترنت والكمبيوتر وكتابه الشعر والسباحه
تاريخ التسجيل : 22/07/2008

مُساهمةموضوع: رد: وحشتنى اوى يا بابا( الله يرحمك)   السبت مارس 21, 2009 12:00 am

ميرسي على ردك تعبان
وميرسي على القصيده

_________________
حبيبي .. هالكلمه مش معقول بعدك تمرق عشفافي
او قلبي.. يصير بغيرك مشغول الا بحضنك مش غافي
تذكر شو كنت تقول..باقي حدك على طول..باقي حدك لا تخافي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وحشتنى اوى يا بابا( الله يرحمك)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لعمرو دياب :: المنتدى العام :: فشة خلق-
انتقل الى: