المنتدى الرسمى لعمرو دياب
عزيزي الزائر نتمنى دخولك والتسجيل في شبكة الرواد السورية على الرابط التالي http://ajajweb.yoo7.com/ نحن بانتظار تشريفكم


منتديات عمرو دياب
 
الرئيسيةاليوميةمكتبة الصورس .و .جالأعضاءالمجموعاتالتسجيلدخول

شاطر | 
 

 البوم يا طريق 1983

اذهب الى الأسفل 
كاتب الموضوعرسالة
سعد عجاج
مشرف عام
avatar

ذكر
عدد الرسائل : 1488
العمر : 29
الدولة او المدينة : الوطن الحبيب
ماذا تعمل؟ : طالب
ماهي هواياتك؟ : السباحة والنت
تاريخ التسجيل : 02/10/2008

مُساهمةموضوع: البوم يا طريق 1983   الخميس يوليو 30, 2009 8:02 pm

احلى دنيا




امتا نشوف البسمة الحلوة
مليا شفايف كل الناس
امتا نشارك بعض في غنوة
غالية ونملى الكون اخلاص

امتا نعيش من غير احزان
امتا نشوف القسوة حنان
احلى يا دنيا تكوني امان
والقي الناس بتحب الناس
احلى دنيا ..... احلى دنيا

ليه في قلوبكوا امان وشكوك
خلو الورد وشيلوا الشوك
عمر الحب ما عاش في قساوة
لا بتنسى وعينيك بتبوح

غنوا اغاني الحب الصافية
ياما الحب بيشفي جراح
محلى الغنوة الحلوة الدافية
لو قدامها امل وبراح



بحب الحياة



بحبك لأنك عيون الحياة
بشوف بيكي املي اللي كان انتهى
بحبك لأنك في اخر ندا
لقيتك في قلبي بتروي صباه

ساعات يا حبيبتي ياخدني خيالي
وافكر في حالي من غيرك انتي
لمين يا حبيبتي هكمل حياتي
دا انا امنيتي اتبنت بيكي انتي

بحبك لأنك وهبتي بحبك لقلبي مناه
بقيت يا حبيبتي بحب الحياة

بفكر في اسرع طريق لللقى
في رحلة حياتنا اللي هتكون لنا
هتبقي معاي في صبحي ومساي جميلة
هنبقى انا وانتي في عالم سعيد
في صمته وجنونه وامله العنيد

اكيد يا حبيبتي هكمل حياتي
دا انا امنيتي اتبنت بيكي انتي
اكيد يا حبيبتي هكمل حياتي
دا انا امنيتي اتبنت بيكي انتي

بقيت الحياة اللي جاية لنا
هتبقى دي احلى سنين عمرنا
وجودك معايا هيبقى البداية الحقيقة الجميلة
هكون ليكي دايما ومهما يكون
دا انتي الواحدة اللي ليكي هكون


*********************************************



المدينة




المدينة قلبها زحمة بالهموم
والعيون تايهه بتدارى في الغيوم
مين يهمه الا همه مين بيصرخ غير لالمه
غابت كل يوم غربت كل يوم

المطر باعت معاه دموع الندم
بكرة تشتي على الزحام
الزحام يبقى فضا
والدموع ساعتها نشحت كل ندم
عل الحكايات اللي ضاعت
اللي ضاعت في المدى

حبيبتي المدينة متاهة بشر
شوارع حزينة بقايا صور
حبيبتي المدينة في رياح القدر
وحيدة مسكينة بداري الخطر



الزمن



الزمن بينسى دايما مع الزمن مفيش وعود
اللي كان عايش في قلبي النهاردة ملوش وجود

الزمن ملهش صاحب ملهش قلب ولا مشاعر
خطوته مشوار في قلبي عشت فيه دايما مهاجر

مع الزمن الجرح بيتنسي والذكريات الحلوة تدبل
مع الزمن بنبتدي دايما حكاية فيها تخلص
ننسى الملامح والوجود والعناوين
يمكن نتوب عن ذكريات عاشت معانا
ضاعت في يوم من الزمن

الزمن دموع بتجري او ضحكة ما لها أي معنى
او لعبة ملناش يد فيها مهما اتشائمنا وتفائلنا
كنت اجبن منه دايما عمري ما فكرت اواجه
كنت خايف منه يمكن لو كان بشر كنت فهمته

عشرين سنة من يوم ما اتولدت احلم معاه
يوعدني اصدق عشرين سنة مروا وكأنهم سراب
وكان بيكدب كتب حكايته على الوجوه
والم في كل ضحكة وساب علاماته الحزينة
على طريقي اللي من زمان



*******************************************


في احضان الجبل



في يوم والشمس طالعة بالوانها البريئة ولمستها الدهب
همسك ايدك وهاخدك لبيت ابيض صغير في احضان الجبل
البيت دا فيه اتولدت على بابوا كبرت
واتعلمت ان اغني اول غنوة دافية زي شمسنا
زي قلوب الصبايا اللي في حينا
والالوان البريئة على ابواب بيوتنا
على الجدران بتحكي ان الكون اتولد
في بيت مصري صغير في احضان الجبل

ضوء الفجر خافت بيرسم المعاني
من بعد ليل طويل
والنيل امواجه تصحى وتحكي ذكرياتها
من الاشجار للنخيل

وانا الطفل الصغير لكن بسمع وافكر
حاسيت في كل لحظة
اني حاضر وذكرى وجزء من المكان ده واني مش وحيد

الزمن راكع هناك بيهمس للجمال
ما تكون حجر اتكلم يا حجر
لكن صمته الجميل سنين ورا سنين
وجيل من بعد جيل فضل حرف ملامحه
في ضميري في ابتسامتي في نظرتي لبكرة وحبي للحياة





نور يا ليل






نور يا ليل الاسرار
يااللي عشقناك واحنا صغار
احنا بنصفح وانت بتجرح
زي ما قالوا عليك دوار

فتح يا شجر الاحلام
قد ما بدور الايام
فتح واطرح نفسنا نفرح
دا المشوار جنة على نار

روق يا بحر العشاق
بتسافر فيك الاشواق
روق واوعد انك تسعد
قلبين ضاعوا مع التيار

قرب يا مرسى البحار
للي ضاع عمره في اسفار
خليه يرسى اوعاك تنسى
انه غريب عن اهل الدار








وقت وعشناه



وقت وعشناه انتي وانا جرح حفرناه لبقيت عمرنا
دلوقتي خلاص مواعدنا خلاص بتدق خلاص اجراس حزننا
مش لاقي كلام يوصف الام جرح الاوهام ويبارك لنا
كنا في الام كنا في حنان وكان يا مكان كان في حبنا

فاكرة الامل لما التقينا زي الغزل مالي علينا
فاكرة العطش لما ارتوينا كان القدر راضي علينا
لقينا في بعضنا شئ ضايع مننا وتوهنا في عالم حبنا
وغرقنا في بعضنا ونسينا وقتنا وعيون الامل بتشدنا

دلوقتي خلاص مواعدنا خلاص بتدق خلاص اجراس حزننا
وقت وعشناه انتي وانا جرح حفرناه لبقيت عمرنا
يا حبيبتي وداع مكتوبنا ضياع غربة والام مكتوب بعدنا




يا طريق



يا طريق يا طريق ماشين يا طريق
بقلوب عطشانة الم وسماح
نفسنا في هواك ننسى اللي راح
كداب كداب اللي يقول تعب
لو قضى العمر معاك في عذاب

اسامينا مزروعة فيك قناديل في سما لياليك
من صغرنا عايش لمين بنعشق ونحن لمين
نفرح لما نلاقيك ونقولك اهلا بيك

دقينا فيك ابواب وفارقنا فيك اصحاب
طول عمرنا ملك ايديك نقرا الاحزان في عينيك
ونروح وبنرجع بيك ونقولك اهلا بيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jana passem
المديرة
المديرة
avatar

انثى
عدد الرسائل : 5145
العمر : 30
الدولة او المدينة : مصر
ماذا تعمل؟ : طالبة
ماهي هواياتك؟ : الرسم
Personalized field : 0
رقم العضوية : 2
تاريخ التسجيل : 30/04/2008

مُساهمةموضوع: رد: البوم يا طريق 1983   السبت أغسطس 01, 2009 1:26 pm

مرسى كتييييييير سعد

_________________
مش عايزة غيرك انت... والله بحبك انت
والحب كله انت ...وانت النااااااااااس كلها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سعد عجاج
مشرف عام
avatar

ذكر
عدد الرسائل : 1488
العمر : 29
الدولة او المدينة : الوطن الحبيب
ماذا تعمل؟ : طالب
ماهي هواياتك؟ : السباحة والنت
تاريخ التسجيل : 02/10/2008

مُساهمةموضوع: رد: البوم يا طريق 1983   الأحد أغسطس 02, 2009 12:06 pm

مشكورة عالمرور جانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البوم يا طريق 1983
الرجوع الى أعلى الصفحة 
صفحة 1 من اصل 1
 مواضيع مماثلة
-
» كيف تعرف كم عمر اي شخص بدون ان يعلم و بمهارة فائقة جداادخل ولاتفوت هده الخدعة الرائعة
» مقتل الفنان التركي كيفانج تاتليتوغ (مهند) في تركيا

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمى لعمرو دياب :: عمرو دياب :: اجمل اغانى عمرو-
انتقل الى: